Monday, May 21, 2012

පුළුවන් වුනත් ඔයාට



දුටුවත්

නුදුටු විදියට

පුළුවන් වුනත්

ඉන්න

ඔයාට,

වාවන්නේ නෑ

ඒක

මේ

පුංචි හිතට,

සත්තමයි...

දෙකොපුල්

සාක්කි

රූරා වැටුණු

කඳුළු බිඳු

වලට...

Thursday, May 17, 2012

ස්වප්නෙකින් මගේ නොවේද ....





ස්වප්නෙකින් 


හමු වෙන්න


නෙතින් දැක 

සැනහෙන්න

ලඟින් ඉඳ

සනහන්න

පෙර කෙරූ 

පින් මදිද.....

සිතින් පෙම් 

බඳිමි මම

සදා ඔබ

මගේ නොවේද..

Thursday, May 10, 2012

දැන සිටියා ඉඳුරාම ...


රෑ පුරා 

නිදි නැතුව 


සිතුවේ මම 


ඔබ ගැනම 


විදෙව්වට


නිම් නැතුව 


දැන සිටියා


ඉඳුරාම 


කවද හරි 


එන බවට 


ආයෙමත් 


මගේ ලඟට 

Tuesday, May 8, 2012

ජන ගීය හා මූලාරම්භය


ජන ගීය හා මූලාරම්භය 


පසු ගිය ලිපියෙන් හෙළ ජන ගීය පිලිබඳ සටහන් සඳහා හැඳින්වීමක් ඉදිරිපත් කලෙමි. මෙහි දැක් වෙන්නේ ජනගීයේ මූලාරම්භය පිළිබඳව ය. ජන ගී පිලිබඳ වැඩි තොරතුරු සාකච්ඡා කිරීමට පෙර ජන ගීයේ උපත, ජන ගී සඳහා හේතු සාධක මොනවාද යන්න දැන සිටිය යුතුය. 

ජන කවිය  ජනශ්‍රැතියේම එක් අංගයකි. එම නිසා ජන කවි පිලිබඳ විස්තර කිරීමට පෙර ජනශ්‍රැති පිලිබඳ සටහනක් කළ යුතුය.ශ්‍රැතිය නමින් හැදින්වෙන්නේ මුඛ පරම්පරාගතව පැවතෙන දේවල් ය. ඕනෑම රටක ඕනෑම කාලයක ජීවත් වෙන ජනයා 'ජන' ලෙස හැඳින්වේ. එබැවින් ජනශ්‍රැති යන්නෙහි ඉතා සරල අදහස නම් "ජනයා විසින් මුඛ පරම්පරාගතව පවත්වාගෙන දේ" යන්නය. ජන කවි, ජන නාට්‍ය, ජන ඇදහිලි හා විශ්වාස ආදී සියලු දෑ මීට අයත් .

ජනශ්‍රැති අප රටට පමණක් ආවේනික වූවක් නොවේ. සෑම රටකටම සෑම ජාතියකටම  ජනශ්‍රැති  පොදු වේ. යම රටක හෝ සමාජයක් පිළිබඳව අධ්‍යයන කටයුතු කරන්නේ නම්  ජනශ්‍රැති  පිළිබඳවද අවධානය යොමු කළ යුතුය. සාහිත්‍යය, ඉතිහාසය, පුරා විද්‍යාව වැනි විෂය ක්ෂේත්‍ර හැදෑරීමේදී තොරතුරු ලබා ගැනීම සදහා  ජනශ්‍රැති  ඉතා වැදගත් මෙහෙයක් ඉටු කරයි.

ජන කවිය නම් අදහස් ප්‍රකාශ කළ හැකි ඉතා සුන්දර වූ මාධ්‍යයකි. ජනයා විසින් මුඛ පරම්පරාගතව පවත්වාගෙන බැවින් ජන කවි නමින් හැඳින්වේ. ජන කවියා තම සිතැඟි ජන කවිය තුලින් අපූර්වත්වයෙන් ඉදිරිපත් කළේය. තම හිතෙහි ඇති වන සතුට, දුක, පාළුව, තනිකම, වේදනාව, බිය ආදී හැගීම් ජන කවියේ අඩංගු කර ඇත. 



හෙළ ගී මූලික වශයෙන් සේ ගී හා ගැමි ගී ලෙස ප්‍රධානව කොටස් දෙකකට වර්ග කළ හැක. වියතුන් විසින් රචනා කර ඇති ගැමි වහරට පත් නොවී ඔවුන් අතරම භාවිතා වන ගී 'සේ ගී' වන අතර ග්‍රාමීය ව්‍යවහාරයෙන් එන ගැමියන් විසින් පද මාලාව මෙන්ම නාද මාලාවද නිපැයුණු ඔවුන් අතරම භාවිත වන පැදි 'ගැමි ගී' ලෙස හැඳින්වේ.

ගැමි ගී ප්‍රස්තුතය අනුව බැති ගී, යාග ගී, මෙහෙ ගී, සමාජ ගී, කෙලි ගී, නළු ගී, විරිදු ගී, රණ ගී, වැනුම් ගී, ලෙස වර්ග කර ගත හැක. 

ජන කවියේ ආරම්භය සිදු වූයේ ශිෂ්ඨාචාරයටත් ප්‍රථම වනචාරී යුගයේදී බව ඇතැම් අයගේ විශ්වාසයයි. තවත් අයගේ විශ්වාසය වන්නේ ආදී මිනිසුන් විසින් යක්ෂ භූත ආදීන්ට කළ යාඥා විශේෂයක් විකාශය වීමෙන් කවියේ උපත සිදු වී ඇති බවයි. වර්තමානයේ බොහෝ අය කවියේ උපත සිදු වූ ආකාරය පිලිබඳ සෙවීමට උනන්දු වෙති. එමෙන්ම පෙර විසූ අයද කවියේ උපත ගැන සෙවීමට උනන්දු වූ බවට සාක්ෂි පවතී. එයට නිදසුනක් පහත වේ. 

                                අහස උපන් තැන සකි නුඹ       දන්නවද
                                පොලව උපන් තැන සකි නුඹ   දන්නවද
                                මුහුද උපන් තැන සකි නුඹ        දන්නවද
                                කවිය උපන් තැන සකි නුඹ      දන්නවද


උගත් සාහිත්‍යයක් බිහි වීමට පෙර ජන කවි පහල වීම ස්වභාවිකය. එබැවින් ශාස්ත්‍රීය කාව්‍යට වඩා ජන කවි පැරණි බව විශ්වාසය වේ. 

මතු සබැඳි ...

Sunday, May 6, 2012

හෙළ ජන ගී

"හෙළ ජන ගීය" ලිපි පෙළ ආරම්භය 


ජන ගී ඔබ අප කොයි කවුරුත් අසා ඇතුවාට සැකයක් නැත. අප ජන ගී ශ්‍රවනය කිරීම ආරම්භ කරන්නේ මව් තුරුලේ සිටියදී පටන්ය. මවක් තම දරුවා නැලවීමට ගයන දරු නැලවිලි ගී ද ජන ගී වලට අයත් වේ. ජන ජීවිතයට ඉතා සමීප සම්බන්ධ කමක් ඇති ජන ගී පිලිබඳ තොරතුරු ඇසුරින් මෙම ලිපි පෙළ සැකසීමට අදහස් කර සිටිමි.


ජනශ්‍රැතියේම එක් අංගයක් වන ජන ගීයට ඉතා ඈතට දිවෙන ඉතිහාසයක් ඇත.එය මුඛ පරම්පරාවෙන් පැවත ඒමේදී බොහෝ වෙනස් කම් වලට බඳුන් වී ඇත. ජන ජීවිතයට ඉතා සමීප ජන ගීය තුලින් ජනයාගේ ජීවන රටාව පිලිබඳ බොහෝ තොරතුරු පිලිබඳ අධ්‍යයනය කළ හැක.


ජන ගී, ජන සංගීතය පිලිබඳ උගත් තොරතුරු ඇසුරින් මෙම ලිපි පෙළ සැකසීමට අදහස් කරමි. මෙමගින් හෙළ ජනගීය පිලිබඳ වැඩිදුර තතු හෙළි කිරීමට හා එහි අනන්‍යතාවය මෙන්ම විශේෂත්වයද දක්වාලීමට උත්සහ දරමි.මෙහි සාර්ථකත්වය උදෙසා වැඩි දුර කරුණු මෙන්ම, අදහස්, යෝජනා,චෝදනා ද ඉදිරිපත් කරන මෙන් සියලු දෙනාගෙන්ම ඉල්ලා සිටිමි.


බුද්ධං සරණේ සිරස දරාගෙන
ධම්මං සරණේ සිත පහදා  ගෙන
සංඝං සරණේ සිවුරු දරා ගෙන
ඉඤ්ඤයි තුන් සරණේ අදහාගෙන


පෙරයම බුද්ධං සරණේ  ගඤ්ඤයි
මජ්ඣිම ධම්මං සරණේ  ගඤ්ඤයි
අලුයම සංඝං සරණේ  ගඤ්ඤයි
තුන් යමටම තුන් සරණේ  ගඤ්ඤයි


සරණයි සරණයි බුද්ධං සරණයි
සරණයි සරණයි ධම්මං සරණයි 
සරණයි සරණයි සංඝං සරණයි 
සරණයි සරණයි මේ තුන් සරණයි 


ඔන්න එහෙනම් තෙරුවන් ගුණ සිහි කරන ජන ගීයකින් ම පටන් ගත්තා!


තෙරුවන් සරණයි !!!